Xiaomi-nin yaxın zamanda təqdim edəcəyi smartfon seriyalarından biri də Redmi Note 13 olacaq. İnsayderlərin vermiş olduqları yeni məlumata əsasən şirkət artıq sözügedən smartfon seriyasının təqdimatına hazırlaşır. Məlumatda qeyd edilib ki, Redmi Note 13 ya bu ayın sonunda ya da gələn ayın əvvəlində təqdim oluna bilər. Redmi Note 13 seriyasına daxil olacaq smartfonlar ilk növbədə Çində təqdim olunacaq. Onların qlobal versiyalarını isə 2024-cü ilin birinci yarısında gözləmək lazımdır. Qeyd etmək lazımdır ki, Redmi Note 13 smartfonları artıq bir neçə sertifikatlaşdırma agentliyində qeydiyyatdan keçiblər. Son məlumat sızıntılarına əsasən bu seriyaya 3 smartfon modeli daxil olacaq. Redmi Note 13, Note 13 Pro və Note 13 Pro+.