Redmi Note 13 smartfonlarının 4 yanvar tarixində təqdim ediləcək qlobal versiyalarından biri təsdiqlənib

     Xiaomi şirkəti 4 yanvar tarixində qlobal bazarda Redmi Note 13 seriyasının hansı modellərini təqdim edəcəyi barəsində məlumat verməyə davam edir. Hələ bir neçə müddət bundan öncə şirkət təsdiqləmişdi ki, 4 yanvar tarixində o, Redmi Note 13 Pro+ smartfonunu təqdim edəcək. İndi isə şirkət elan edib ki, həmin tarixdə Redmi Note 13 Pro+ smartfonu ilə yanaşı həmçinin adi Redmi Note 13 Pro da təqdim ediləcək. Redmi Note 13 Pro-nun Çində satılan versiyası kimi qlobal versiyası da Snapdragon 7s Gen 2 prosessoru vasitəsilə çalışacaq.