Redmi Note 13-ün qlobal versiyası təqdimata hazırlaşır
Cihazlar+
19.10.2023
Emil
Xiaomi keçən ay Redmi Note 13 smartfon seriyasını təqdim etmişdi. Bu seriyaya daxil olan modellərdən biri də adi Redmi Note 13-dür. İndi isə məlum olub ki, sözügedən modelin qlobal versiyasının təqdimatı hazırlanır. Belə ki, Redmi Note 13-ün qlobal versiyası ABŞ-ın Federal Şəbəkə Komissiyasının məlumatlar bazasında aşkar edilib. Məlumatlar bazasında smartfon 2312DRAABG model nömrəsinə sahibdir.
Model nömrəsinin sonundakı G hərfi smartfonun məhz qlobal versiyasından xəbər verir. Məlumatlar bazasında qeyd edilib ki, Redmi Note 13-ün qlobal versiyası Wi-Fi, GPS, NFC, LTE, 5G və MIUI 14 dəstəyini əldə edəcək. Texniki göstəricilərə gəldikdə isə smartfonun qlobal versiyası ilə Çin versiyası arasında heç bir fərq olmamalıdır. Redmi Note 13-ün qlobal versiyasının nə zaman təqdim olunacağı dəqiq bilinmir.
Paylaş
Ən çox oxunanlar
Qatlana bilən Huawei MateBook Fold ULTIMATE noutbuku təqdim edilib - QİYMƏTİ
