Dünən Xiaomi şirkəti Redmi Note 13 smartfon seriyasının təqdimatını rəsmi şəkildə anons etdi. Rəsmi anonsa əsasən bu yeni smartfon seriyası 21 sentyabr tarixində Çində təqdim olunacaq. Bununla yanaşı dünən Redmi Note 13 Pro+ modelinin texniki göstəriciləri də ortaya çıxdı. İndi isə adi Redmi Note 13 modelinin texniki göstəriciləri ortaya çıxıb. Beləliklə ortaya çıxmış məlumatlara əsasən Redmi Note 13 smartfonu 6.67 düym OLED ekranla təchiz olunacaq.

    Smartfon 2.4 GHz tezlikdə çalışan prosessoru əldə edəcək. Böyük ehtimalla söhbət, Snapdragon 7 Gen 1 prosessorundan gedir. Bundan əlavə olaraq Redmi Note 13 özündə 200 MP + 8 MP + 2 MP üçlü arxa kameranı və 16 MP-lik ön kameranı birləşdirəcək. Batareya məsələsinə gəldikdə isə smartfon 5020 mAh enerji tutumlu batareyaya sahib olacaq. Bundan əlavə olaraq məlumatda qeyd edilib ki, barmaq izi skanı texnologiyası birbaşa ekrana inteqrasiya ediləcək və 16 GB-a kimi RAM yaddaşı ilə 1 TB-a kimi daxili yaddaş həcmini əldə edəcək.