Redmi Note 9 5G, Note 9 Pro 5G və Note 9 4G smartfonları təqdim olunub - QİYMƏTİ

Redmi Note 9 5G, Note 9 Pro 5G və Note 9 4G smartfonları təqdim olunub - QİYMƏTİ

Mobil Cihazlar
27.11.2020 PAYLAŞIM

    Dünən Xiaomi-nin Redmi brendi Redmi Note 9 5G, Redmi Note 9 Pro 5GRedmi Note 9 4G smartfon modellərini təqdm etdi. İlk öncə Redmi Note 9 5G modelindən başlayaq. Adi Redmi Note 9 5G modeli Pro versiyadan xarici görünüşcə fərqlənir və daha sadələşdirilmiş texniki özəlliklər əldə edib. Lakin onun əsas özəlliklərindən biri də odur ki, o, böyük həcmli batareyaya sahibdir. Smartfon Full HD+ keyfiyyətli 6.53 düym IPS ekran əldə edib. Ekran standart 60 Hz-lik təsvir yenilənməsini dəstəkləyir. Bununla yanaşı ekranın yuxarı sol hissəsində ön kamera üçün nəzərdə tutulmuş kiçik dairəvi çıxıntı yerləşdirilib.


    Barmaq izi skanı texnologiyası smartfonun yandırıb/söndürmə düyməsinə inteqrasiya edilib. Əsas texniki göstəricilərə gəldikdə isə Redmi Note 9 5G modeli 8 nüvəli və 5G dəstəkli MediaTek Dimensity 800U prosessoru, 6/8 GB RAM, 128/256 GB daxili yaddaş həcmi (512 GB-a kimi microSD dəstəkli), 48 MP (f/1.79 diafraqmalı) + 8 MP (f/2.2 diafraqmalı genişbucaqlı sensor) + 2 MP (2.4 diafraqmalı makroobyektiv) üçlü arxa kamera, 13 MP-lik ön kamera və 18 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Smartfonda həmçinin 3.5 mm-lik audiogiriş də reallaşdırılıb. Lakin onda NFC modul yoxdur. Cihaz MIUI 12 interfeysli Android 10 əməliyyat sistemi vasitəsilə çalışır. Smartfonun satış qiymətləri aşağıdakı kimidir:

- 6 GB RAM + 128 GB daxili yaddaş - 200$

- 8 GB RAM + 128 GB daxili yaddaş - 230$

- 8 GB RAM + 256 GB daxili yaddaş - 260$.

    Redmi Note 9 Pro 5G modelinə gəldikdə isə o, adi Redmi Note 9 Pro modelindən xarici görünüşcə və texniki özəlliklər baxımından tamamilə fərqlənir. Smartfon yüksək tezlikli təsvir yenilənməsini, Snapdragon prosessorunu, Samsung-un flaqman kamera sensorunu, yüksək həcmli batareyanı və NFC modulu əldə edib. Beləliklə Redmi Note 9 Pro 5G modeli Full HD+ keyfiyyətli 6.67 düym IPS ekran əldə edib. Ekran 120 Hz-lik təsvir yenilənməsini dəstəkləyir və onun yuxarı mərkəzi hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Adi Redmi Note 9 5G-də olduğu kimi Pro modeldə də barmaq izi skanı texnologiyası yandırıb/söndürmə düyməsinə inteqrasiya edilib.

    Əsas texniki göstəricilərə gəldikdə isə Redmi Note 9 Pro 5G modeli 8 nüvəli Snapdragon 750G prosessoru, 6/8 GB RAM, 128/256 GB daxili yaddaş həcmi (512 GB-a kimi microSD dəstəkli), 108 MP (f/1.75 diafraqmalı Samsung Bright HM2 sensoru) + 8 MP (f/2.2 diafraqmalı genişbucaqlı sensor) + 2 MP (f/2.4 diafraqmalı makroobyektiv) + 2 MP (f/2.4 diafraqmalı ToF sensor) dördlü arxa kamera, 16 MP-lik ön kamera və 33 vatt gücündə sürətli şarj texnologiyalı 4820 mAh enerji tutumlu batareya ilə təchiz olunub. Smartfonun digər özəllikləri arasında 3.5 mm-lik audiogiriş, IP53 standartı üzrə sudan qorunma, stereo səsgücləndiricilər və NFC modul var. Cihaz MIUI 12 interfeysli Android 10 əməliyyat sistemi vasitəsilə çalışır. Redmi Note 9 Pro 5G-nin qiyməti aşağıdakı kimi olacaq:

- 6 GB RAM + 128 GB daxili yaddaş - 240$

- 8 GB RAM + 128 GB daxili yaddaş - 275$

- 8 GB RAM  + 256 GB daxili yaddaş - 300$.

    Bu smartfonlardan əlavə olaraq təqdim edilmiş Redmi Note 9 4G modeli bir neçə gün bundan öncə Poco brendinin təqdim etmiş olduğu Poco M3 smartfonunun kopyasıdır. Əsas fərq ondan ibarətdir ki, Redmi Note 9 4G-nin arxa kamera hissəsi daha fərqli dizaynda hazırlanıb. Digər texniki özəlliklər üzrə Redmi Note 9 4G modeli Poco M3 ilə eynidir. Beləliklə Redmi Note 9 4G-nin qiyməti aşağıdakı kimidir:

- 4 GB RAM + 128 GB daxili yaddaş - 152$

- 6 GB RAM + 128 GB daxili yaddaş - 167$

- 8 GB RAM + 128 GB daxili yaddaş - 198$

- 8 GB RAM + 256 GB daxili yaddaş - 228$.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


iPhone 13-ün ən yüksək qiymətə satıldığı ölkələrin reytinqi tərtib olunub..

Nukeni adlı analitik şirkət Apple şirkətinin yeni iPhone 13 smartfonlarının ən yüksək qiymətə satıld..


iPhone 13 ön sifariş rekordu qırmağa başlayıb

14 sentyabr tarixində Apple şirkəti yeni iPhone 13 smartfon seriyasının təqdimatını keçirtdi...


Xiaomi 11T, 11T Pro və 11 Lite 5G NE smartfonları təqdim olunub - QİYMƏTİ

Xiaomi tərəfindən keçirilmiş qlobal təqdimat çərçivəsində şirkət yeni smartfonlarını təqdim edib. Sö..


Son Dəqiqə: Apple iPhone 13 təqdim olundu - QİYMƏTİ

Apple şirkəti təqdimat tədbiri çərçivəsində yeni iPhone 13 smartfonlarını təqdim edib.


Təqdimatdan bir neçə saat öncə iPhone 13-ün real fotosu ortaya çıxıb

Bugün axşam Apple şirkəti növbəti təqdimat tədbirini keçirdəcək. Baş tutacaq tədbirdə şirkət iPhone ..


Məşhur analitik iPhone 13 modellərinin sahib olacaqları daxili yaddaş həcmi barə..

Məşhur analitik Ming-Chi Kuo bildirib ki, bu il Apple şirkəti iPhone 13 modellərini daha yüksək star..

×