Redmi Pad Pro planşetinin təqdimatı anons edilib

     Redmi brendi Redmi Turbo 3 smartfonunun konkret təqdimat tarixini elan edib. Təqdimat 10 aprel tarixində baş tutacaq. Lakin məlum olub ki, həmin tarixdə şirkət təkcə Redmi Turbo 3-ün təqdimatı ilə yetinməyəcək. Belə ki, şirkət üstəlik həmin tarix üçün Redmi Pad Pro planşetinin təqdimatını da anons edib. Təqdim edilmiş posterə əsasən Redmi Pad Pro planşeti 3 gövdə rəngi variantında satışa çıxacaq və stilus ilə qoşula bilən klaviaturanı dəstəkləyəcək.Texniki özəlliklərə gəldikdə isə Redmi Pad Pro-nun 2.5K keyfiyyətli 12 düym ekranla təchiz olunacağı və özündə 10 000 mAh enerji tutumlu batareyanı birləşdirəcəyi gözlənilir.