REDMI Turbo 5 smartfonu 8000 mAh-dan daha böyük həcmli batareyanı əldə edəcək

     Xiaomi-nin REDMI brendi gələn ilin əvvəlində REDMI Turbo 5 smartfonunu təqdim etməlidir. Digital Chat Station ləqəbli məşhur insayder sözügedən smartfon barəsində bəzi təfərrüatları təqdim edib. Təqdim edilmiş məlumatlardan belə qənaətə gəlmək olar ki, REDMI Turbo 5 smartfonu potensial alıcıları öz batareya həcmi ilə heyrətləndirəcək. Belə ki, insayderin sözlərinə inansaq, REDMI-nin bu yeni smartfonu 100 vatt gücündə sürətli şarj texnologiyalı 9000 mAh enerji tutumlu batareyanı əldə edəcək. Bundan əlavə olaraq insayder bildirib ki, smartfon 1.5K keyfiyyətli OLED ekranla təchiz olunacaq. Smartfonun dizaynı minimalistik olacaq və onun gövdə küncləri dairəvi formada olacaq. Gözləntilərə əsasən REDMI Turbo 5 smartfonu hələ təqdim olunmamış MediaTek Dimensity 8500 Ultra prosessoru vasitəsilə çalışacaq.