main-post-cover

    Samsung büdcəli smartfonlarının qutularına da şarj adapterini yerləşdirməkdən imtina etməyə başlayıb

    Cihazlar+
    20.03.2023
    Farid Pardashunas
        7 il bundan öncə Apple şirkəti öz iPhone-larında naqilli qulaqlıqlar üçün nəzərdə tutulmuş 3.5 mm-lik audiogirişi ləğv edən zaman digər smartfon istehsalçıları bu cür qərarı gülüşlə qarşıladılar. Lakin bir müddətdən sonra digər smartfon istehsalçıları da öz məhsullarında 3.5 mm-lik audiogirişi ləğv etməyə başladılar. İndi isə eyni hal şarj adapterlərini əhatə edir. Apple şirkətindən sonra digər şirkətlər də öz flaqman smartfonlarının qutularına şarj adapterlərinin yerləşdirilməsindən imtina etdilər.
        Lakin Samsung bu məsələdə daha da irəli gedərək artıq büdcəli smartfonlarının da qutularına şarj adapterinin yerləşdirilməsindən imtina etməyə başlayıb. İnsayderlərdən biri Samsung-un yeni büdcəli smartfonu olan Galaxy A14-ün qutusunun fotosunu təqdim edib. Məlumatda qeyd edilib ki, sözügedən smartfonun qutusunda şarj adapteri mövcud deyil. Qutunun ölçüsündən belə qənaətə gəlmək olar ki, onun daxilində smartfon və dokumentasiya ilə yanaşı sadəcə USB Type-C naqili mövcuddur. Maraqlısı ondadır ki, Çindən olan smartfon istehsalçıları büdcəli və orta büdcəli smartfonlarının qutularını hələ də şarj adapteri ilə təchiz edirlər. Bu ənənə hətta bəzi flaqman smartfonları da əhatə edir. 
    Linki kopyala

    Bənzər xəbərlər

    Oxşar xəbərlər