Samsung şirkətinin hal hazırda üzərində çalışdığı smartfonlar arasında Galaxy A seriyasına daxil olacaq Galaxy A25 5G modeli var. Məlum olub ki, sözügedən smartfon Geekbench 6 testlərindən keçib. Bunun sayəsində Galaxy A25 5G barəsində bəzi məlumatlar ortaya çıxıb. Beləliklə Geekbench 6 məlumatlarına əsasən smartfon Exynos 1280 prosessoru ilə təchiz olunub. Geekbench testlərindən smartfonun 8 GB RAM-a sahib versiyası keçib və o, Android 14 əməliyyat sisteminə sahibdir.

    Galaxy A25 5G smartfonu Geekbench 6-nın bir nüvəli testi çərçivəsində 973 xal, çox nüvəli testi çərçivəsində isə 2106 xal toplayıb. Son məlumat sızıntılarına əsasən sözügedən smartfon 6.44 düym ekran, 50 MP + 5 MP + 2 MP üçlü arxa kamera və 25 vatt gücündə sürətli şarj texnologiyalı 5000 mAh enerji tutumlu batareya ilə təchiz olunacaq. Galaxy A25 5G-nin nə zaman təqdim olunacağı hələ bilinmir.