Samsung Galaxy A54 smartfonu üçün proqram təminatı yenilənməsi istifadəyə verilib

    Qatlana bilən Samsung Galaxy Z Fold 5 və Z Flip 5 smartfonları ilə yanaşı Samsung şirkəti həmçinin proqram təminatı yenilənməsini Galaxy A54 smartfonu üçün də istifadəyə verib. Sözügedən smartfon üçün yenilənmə A546VSQS5AWI1 nömrəsi altında istifadəyə verilib və o, ilk növbədə ABŞ-dakı istifadəçilər üçün aktivdir. Lakin yaxın zamanda proqram təminatı yenilənməsi Galaxy A54-ün digər ölkələrdəki istifadəçiləri üçün də aktiv olacaq. İstifadəyə verilmiş proqram təminatı yenilənməsi Galaxy A54-ə yeni funksiyalar əlavə etməsə də, onda olan sistem səhvlərini aradan qaldırır və smartfona Google şirkətinin aktual təhlükəsizlik yenilənməsini əlavə edir.