Samsung Galaxy A56 5G smartfonu təqdim edilib - QİYMƏTİ

     Samsung şirkəti orta büdcəli Galaxy A56 5G smartfonunu təqdim edib. Galaxy A seriyasının bu yeni smartfonu böyük ölçülü ekranı, Exynos prosessorunu və böyük həcmli batareyanı əldə edib. Beləliklə Galaxy A56 5G smartfonu 120 Hz-lik təsvir yenilənməsinə sahib Full HD+ keyfiyyətli 6.7 düym ölçülü Super AMOLED ekranla təchiz olunub. Ekranın maksimal parlaqlıq səviyyəsi 1200 nit təşkil edir. Üstəlik ekran Gorilla Glass Victus+ qoruyucu şüşəsi ilə əhatə olunub.

     Barmaq izi skanı texnologiyası birbaşa ekrana inteqrasiya edilib. Galaxy A56 5G-nin gövdəsi IP67 standartı üzrə sudan qorunma özəlliyinə sahibdir. Smartfon Exynos 1580 prosessoru vasitəsilə çalışır və 8/12 GB RAM ilə 128/256 GB daxili yaddaş həcmini əldə edib. Kameralar mövzusunda smartfon 50 MP + 12 MP + 5 MP üçlü arxa kameraya və 12 MP-lik ön kameraya sahibdir.

     Batareyaya gəldikdə isə Galaxy A56 5G özündə 45 vatt gücündə sürətli şarj texnologiyalı 5000 mAh enerji tutumlu batareyanı birləşdirir. Smartfon qutudan Android 15 vasitəsilə çalışır. Samsung bildirib ki, Galaxy A56 5G smartfonu 6 illik Android dəstəyinə və 6 illik təhlükəsizlik dəstəyinə sahib olacaq. Smartfon artıq satışa çıxıb və onun qiyməti 500$-dan start götürür.

Bənzər xəbərlər

Cihazlar+

Samsung Galaxy S25 Edge-in nə zaman təqdim olunacağı və nə zaman satışa çıxacağı məlum olub

Galaxy S25 Edge, Galaxy S25 seriyasının dördüncü üzvü olaraq, Galaxy Unpacked tədbirində qısa olaraq anons edilmişdi.

Elm & Texnologiya

Samsung smartfonları kvant kompüterlərindən qoruyacaq çip üzərində çalışır

Samsung kvant kompüterlərdən qorunmaq üçün yeni təhlükəsizlik çipi üzərində çalışır. S3SSE2A adlanan bu yeni çip, Samsung System LSI (Exynos çiplərinin hazırlanmasından cavabdeh olan şöbə) tərəfindən hazırlanıb və gələcək Galaxy cihazlarını kvant kompüterlərdən qaynaqlanan təhlükələrdən qorumağı hədəfləyir.

Proqram Təminatı

OneUI 7.0-ın Samsung smartfonlarında hansı tarixlərdə istifadəyə veriləcəyi məlum olub

Samsung şirkəti OneUI 7.0 istifadəçi interfeysinin öz smartfonlarında nə zaman istifadəyə veriləcəyi barəsində hələ rəsmi məlumat verməyib. Lakin internetdə sözügedən istifadəçi interfeysinin Samsung smartfonlarında istifadəyə verilmə tarixlərini özlərində birləşdirən screenshot fotolar ortaya çıxıb.

Cihazlar+

Samsung Galaxy Z Fold 7-nin render fotoları təqdim edilib

Samsung şirkəti bu ilin ikinci yarısında qatlana bilən Galaxy Z Fold 7 smartfonunu təqdim etməlidir. İndi isə OnLeaks ləqəbli məşhur insayder bu yeni qatlana bilən smartfonun keyfiyyətli render fotolarını təqdim edib.

Cihazlar+

Büdcəli Samsung Galaxy M06 5G təqdim edilib - QİYMƏTİ

Samsung şirkəti Galaxy M16 5G-dən əlavə olaraq Galaxy M seriyasının daha bir yeni büdcəli smartfonunu təqdim edib. Söhbət, Galaxy M06 5G-dən gedir.