Dəfələrlə məlumat ortaya çıxıb ki, Samsung şirkəti hal hazırda Galaxy F54 5G smartfonu üzərində çalışır. İndi isə insayderlər onun hansı qiymətə satılacağı barəsində məlumat veriblər. İnsayderlərin sözlərinə əsasən Galaxy F54 5G smartfonu bazara iki daxili yaddaş versiyasında satışa çıxacaq. Onlardan biri 128 GB, digəri isə 256 GB daxili yaddaş həcminə sahib olacaq. Hər iki versiya 8 GB RAM ilə təchiz olunacaq. Məlumatda qeyd edilib ki, 256 GB daxili yaddaş həcminə sahib versiya 436$-a satılacaq.

    Söhbət, smartfonun Hindistan bazarı üçün nəzərdə tutulmuş satış qiymətindən gedir. Digər regionlarda onun satış qiyməti dəqiq şəkildə fərqlənəcək. Son məlumat sızıntılarına əsasən Galaxy F54 5G smartfonu 120 Hz-lik təsvir yenilənməsinə sahib Full HD+ keyfiyyətli 6.7 düym AMOLED ekran ilə təchiz olunacaq. Smartfon Exynos 1380 prosessoru vasitəsilə çalışacaq və özündə 25 vatt gücündə sürətli şarj texnologiyalı 6000 mAh enerji tutumlu batareyanı birləşdirəcək. Galaxy F54 5G ya bu ayın sonunda ya da gələn ayın əvvəlində təqdim olunmalıdır.