Artıq dəfələrlə məlumat verilib ki, Samsung şirkəti hal hazırda Galaxy F smartfon seiryasının yeni modeli üzərində çalışır. Söhbət, Galaxy F54-dən gedir. İndi insayderlər sözügedən smartfonun texniki özəllikləri barəsində məlumat veriblər. Beləliklə insayderlərin sözlərinə əsasən Galaxy F54 modeli 120 Hz-lik təsvir yenilənməsinə sahib Full HD+ keyfiyyətli 6.7 düym AMOLED ekran ilə təchiz olunacaq. Smartfon Exynos 1380 prosessoru vasitəsilə çalışacaq və özündə 108 MP + 8 MP + 2 MP üçlü arxa kameranı, 32 MP-lik ön kameranı və 25 vatt gücündə sürətli şarj texnologiyalı 6000 mAh enerji tutumlu batareyanı birləşdirəcək. Galaxy F54-ün bu ay ərzində təqdim olunacağı gözlənilir.