Samsung Galaxy Note 10 və Note 10+ smartfonlarının dəstəklərini dayandırıb

    Samsung şirkəti Galaxy Note 10 və Note 10+ smartfonlarının dəstəklərini dayandırdığını elan edib. Qeyd etmək lazımdır ki, sözügedən smartfonlar müəyyən müddət ərzində yalnız təhlükəsizlik yenilənmələrini əldə edirdilər. Lakin bundan sonra Galaxy Note 10 və Note 10+ smartfonları üçün təhlükəsizlik yenilənmələrinin təqdim edilməsi də dayandırılacaq. Bu smartfonlar 2019-cu ilin ikinci yarısında təqdim olunmuşdular. Nəticədə Samsung onları 4 il ərzində dəstəkləmiş oldu. Maraqlısı ondadır ki, Galaxy Note 10 seriyasına daxil olan və 2020-ci ildə təqdim eidlmiş Galaxy Note 10 Lite smartfonu proqram təminatı yenilənmələrini hələ əldə etməyə davam edəcək.