Samsung Galaxy Ring smart üzüyü bu ilin ikinci yarısında təqdim oluna bilər
Cihazlar+
22.02.2024
Emil
Hələ bir neçə müddət bundan öncə Samsung rəsmisi bildirmişdi ki, şirkət bu ilin ikinci yarısında yeni növ cihazı təqdim etməyi planlaşdırır. Çox güman ki, söhbət, keçən ay anons edilmiş Galaxy Ring adlı smart üzükdən gedir. İndi isə ETNews saytı sözügedən smart üzüyün konkret olaraq nə zaman təqdim olunacağını və onun hansı özəlliklərə sahib olacağını açıqlayıb. Verilmiş məlumata əsasən Galaxy Ring smart üzüyü bu ilin ikinci yarısında keçiriləcək Galaxy Unpacked tədbiri çərçivəsində təqdim ediləcək.
Qeyd etmək lazımdır ki, keçən ilin ikinci yarısında Galaxy Unpacked tədbiri 26 iyul tarixində baş tutdu və həmin tədbir çərçivəsində qatlana bilən Galaxy Z Fold 5 ilə Z Flip 5 smartfonları təqdim olundu. Samsung-un təkcə smart üzük üçün nəzərdə tutulmuş ayrıca tədbiri çox güman ki, keçirtməyəcəyini nəzərə alaraq cihazın Galaxy Z Fold 6 və Z Flip 6 smartfonları ilə birlikdə təqdimatı açıq-aydın görünür. Smart üzüyün sahib olacağı özəlliklərə gəldikdə isə məlumatda qeyd edilib ki, o, elektrokardioqrafiyanı reallaşdıra, qan dövranını və yuxu keyfiyyətini monitorinq edə biləcək. Galaxy Ring-in kontaktsız ödənişləri dəstəkləyəcəyi və distant şəkildə digər Galaxy cihazları ilə sinxronlaşa biləcəyi gözlənilir.
Paylaş
Bənzər xəbərlər
Cihazlar+
Samsung Galaxy Z Fold 6 vacib özəlliyindən məıhrum ola bilər
Hələ təqdim olunmamış qatlana bilən Samsung Galaxy Z Fold 6 smartfonu barəsində məlumatlar internetdə ortaya çıxmağa davam edirlər.
Proqram Təminatı
Samsung keçən ilki cihazları üçün OneUI 6.1 istifadəçi interfeysini anons edib
Samsung şirkətinin artıq satışda olan Galaxy S24 smartfonları OneUI 6.1 istifadəçi interfeysi vasitəsilə çalışırlar.
Cihazlar+
Samsung Galaxy Z Fold 6 və Z Flip 6 daha böyük həcmli batareyaları əldə edə bilərlər
Samsung şirkətinin yeni qatlana bilən smartfonları olacaq Galaxy Z Fold 6 ilə Z Flip 6-nın bu ilin ikinci yarısında təqdim olunacaqları gözlənilir.
Cihazlar+
Galaxy AI süni zəka funksiyaları Samsung Galaxy Watch və Galaxy Fit cihazlarında da istifadəyə veriləcək
Samsung şirkəti öz bloqunda anons edib ki, Galaxy AI adı altında olan süni zəka funksiyaları şirkətin taxıla bilən cihazlarına inteqrasiya ediləcək.
Elm & Texnologiya
Samsung-un yeni qatlana bilən OLED ekranı hərbi standart testlərindən keçib
Sammobile saytının vermiş olduğu məlumata əsasən Samsung-un Samsung Display şirkəti elan edib ki, onun yeni qatlana bilən OLED ekranı MIL-STD-810G hərbi standartının testlərindən keçib.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
