Hələ təqdim olunmamış Galaxy S23 FE smartfonu barəsində məlumatlar internetdə ortaya çıxmağa davam edir. Ortaya çıxmış yeni məlumat smartfonun əsas arxa kamerasını əhatə edir. Beləliklə məlumata əsasən Galaxy S23 FE smartfonu yenilənmmiş əsas arxa kamerası ilə fərqlənəcək. Söhbət, Galaxy S22 və S23-dəki 50 MP-lik əsas arxa kameradan gedir. Müqayisə üçün qeyd etmək lazımdır ki, Galaxy S21 FE smartfonu 12 MP-lik əsas arxa kameraya sahibdir.

    Galaxy S23 FE-nin sahib olacağı digər kameralar barəsində heç bir məlumat verilməıyib. Son məlumat sızıntılarına əsasən Galaxy S23 FE smartfonu Exynos 2200 prosessoru, 6/8 GB RAM, 256 GB-a kimi daxili yaddaş həcmi və 25 vatt gücündə sürətli şarj texnologiyalı 4500 mAh enerji tutumlu batareya ilə təchiz olunacaq. Smartfonun bu ilin sonunda və ya gələn ilin əvvəlində təqdim olunacağı gözlənilir.