Samsung Galaxy S23 FE-nin hansı prosessora sahib olacağı məlum olub

    Hələ təqdim edilməmiş Samsung Galaxy S23 FE smartfonu barəsində məlumatlar internetdə ortaya çıxmağa davam edir. Bu dəfə smartfon Geekbench bençmarkının məlumatlar bazasında ortaya çıxıb.Geekbench-in məlumatlar bazasına əsasən Galaxy S23 FE smartfonu Exynos 2200 prosessoru vasitəsilə çalışacaq. Qeyd etmək lazımdır ki, keçən ilki Galaxy S22 də sözügedən prosessor ilə təchiz olunur. Bununla yanaşı Geekbench-də qeyd edilib ki, smartfon 8 GB RAM-a və Android 13 əməliyyat sisteminə sahib olacaq. Məlumatlar bazasında smartfon ilə bağlı digər bir məlumat yoxdur. Lakin daha öncəki məlumat sızıntlıarına inansaq, Galaxy S23 FE 120 Hz-lik təsvir yenilənməsinə sahib AMOLED ekran, 50 MP-lik əsas arxa kamera və 25 vatt gücündə sürətli şarj texnologiyalı 4500 mAh enerji tutumlu batareya ilə təchiz olunacaq. Galaxy S23 FE-nin nə zaman təqdim olunacağı dəqiq bilinmir.