Son məlumat sızıntılarına əsasən Samsung bu il ərzində Galaxy S23 FE smartfonunu təqdim edəcək. İnsayderlər isə onun barəsində yeni məlumatları təqdim ediblər. Onların sözlərinə əsasən Samsung sözügedən smartfon üçün artıq proqram təminatının testinə start verib. Məlumata əsasən söhbət, smartfonun Avropa bazarında satılacaq versiyası üçün nəzərdə tutulmuş proqram təminatından gedir.

    Smartfonun nə zaman təqdim ediləcəyi tam dəqiq bilinmir. Bəzi məlumatlara əsasən Galaxy S23 FE yay fəslində, digər məlumatlara əsasən isə bu ilin sonunda təqdim ediləcək. Texniki göstəricilər baxımından smartfonun 120 Hz-lik təsvir yenilənməsinə sahib AMOLED ekran, Exynos 2200 prosessoru, 6/8 GB RAM, 256 GB daxili yaddaş həcmi, 50 MP-lik əsas arxa kamera və 25 vatt gücündə sürətli şarj texnologiyalı 4500 mAh enerji tutumlu batareya ilə təchiz olunacağı gözlənilir.