Artıq dəfələrlə məlumat verilib ki, Samsung şirkəti Galaxy S3 FE smartfonu üzərində çalışır. Sözügedən smartfonun bu il ərzində təqdim olunacağı gözlənilir. İndi isə internetdə Galaxy S3 FE-nin satış qiymətləri barəsində məlumat ortaya çıxıb. İlk öncə qeyd etmək lazımdır ki, Galaxy S23 FE-nin ortaya çıxmış satış qiymətləri Hindistan bazarı üçün nəzərdə tutulub.

    Beləliklə insayderlərin sözlərinə əsasən Galaxy S3 FE-nin 128 GB yaddaşa sahib versiyası Hindistan bazarında 660$-a, 256 GB yaddaşa sahib versiyası isə 720$-a satılacaq. Çox güman ki, digər regionlarda smartfonun satış qiymətləri fərqlənəcək. Son məlumat sızıntılarına əsasən Galaxy S3 FE smartfonu 120 Hz-lik təsvir yenilənməsinə sahib Full HD+ keyfiyyətli 6.4 düym Dynamic AMOLED ekranla təchiz olunacaq. Smartfonun Exynos 2200 prosessoru vasitəsilə çalışacağı və özündə 50 MP + 12 MP + 8 MP üçlü arxa kamera ilə 4500 mAh enerji tutumlu batareyanı birləşdirəcəyi güman edilir.