Son günlər ərzində Samsung Galaxy S24 FE barəsində çoxlu sayda məlumat ortaya çıxıb. Bir neçə gün bundan öncə hələ təqdim edilməmiş bu yeni smartfonun rəsmi press render fotoları təqdim edildi. Dünən isə Galaxy S24 FE-nin Exynos prosessorlu versiyasının Geekbench testlərindən keçdiyi məlum oldu. Koreyanın ETNews saytı öz növbəsində Galaxy S24 FE-nin nə zaman təqdim olunacağı barəsində məlumatı təqdim edib.

     Beləliklə təqdim edilmiş məlumata əsasən Samsung şirkəti Galaxy S24 FE smartfonunu oktyabr ayında təqdim edəcək. Qeyd etmək lazımdır ki, bir neçə müddət bundan öncə məlumat ortaya çıxmışdı ki, Samsung bu il üçüncü Galaxy Unpacked təqdimat tədbirini keçirtməyi planlaşdırır və həmin tədbir məhz oktyabr ayında baş tuta bilər. Keçən ilki Galaxy S23 FE də oktyabr ayında təqdim edilmişdi. Son məlumat sızıntılarına əsasən Galaxy S24 FE smartfonu 120 Hz-lik təsvir yenilənməsinə sahib Full HD+ keyfiyyətli 6.7 düym ölçülü AMOLED ekranla təchiz olunacaq və satışa çıxacağı regiondan asılı olaraq ya Exynos ya da Snapdragon prosessoru vasitəsilə çalışacaq.