Samsung Galaxy S24 FE rəsmi şəkildə təqdim olunub - QİYMƏTİ

     Son zamanlarda olmuş çoxlu sayda məlumat sızıntısından sonra Samsung şirkəti sonunda Galaxy S24 FE smartfonunu təqdim edib. Təqdim edilmiş Galaxy S24 FE xarici görünüşcə adi Galaxy S24-ə bənzəyir. Yeni smartfon 60 Hz-dən 120 Hz-ə kimi təsvir yenilənməsinə sahib Full HD+ keyfiyyətli 6.7 düym ölçülü Dynamic AMOLED 2X ekranla təchiz olunub. Ekranın maksimal parlaqlıq səviyyəsi 1900 nit təşkil edir. Barmaq izi skanı texnologiyası da birbaşa ekrana inteqrasiya edilib. Smartfonun gövdəsi isə IP68 standartı üzrə sudan qorunma özəlliyinə sahibdir.

     Galaxy S24 FE smartfonu Exynos 2400e prosessoru vasitəsilə çalışır və 8 GB RAM ilə 128/256/512 GB daxili yaddaş həcmini əldə edib. Kameralar mövzusunda smartfon 12 MP + 50 MP + 8 MP üçlü arxa kameraya və 10 MP-lik ön kameraya sahibdir. Batareyaya gəldikdə isə Galaxy S24 FE 25 vatt gücündə sürətli şarj texnologiyalı 4700 mAh enerji tutumlu batareya ilə təchiz olunub və o, 15 vatt gücündə sürətli naqilsiz şarj texnologiyasını dəstəkləyir. Smartfon qutudan OneUI 6.1 interfeysli Android 14 vasitəsilə çalışır. Samsung bildirib ki, Galaxy S24 FE 7 il ərzində həm Android həm də təhlükəsizlik dəstəyinə sahib olacaq. Bununla yanaşı bu yeni smartfon digər Galaxy S24 modelləri kimi Galaxy AI ekosisteminin süni zəka funksiyalarını dəstəkləyir. Galaxy S24 FE-nin satışlarına 3 oktyabr tarixində start veriləcək və onun qiyməti 650$-dan başlayacaq.

Bənzər xəbərlər

Cihazlar+

Samsung Galaxy S24 FE-ni hər tərəfdən sərgiləyən yeni reklam videosu təqdim edilib

Samsung şirkəti Galaxy S24 FE smartfonunun təqdimatına hazırlaşır. Şirkət hətta bu smartfonun ABŞ-da ön sifarişinə belə start verib.

Cihazlar+

Samsung Galaxy S25 Ultra ilk dəfə Geekbench testlərindən keçib

Samsung şirkəti Galaxy S25 smartfon seriyasını gələn ilin əvvəlində təqdim edəcək. Bu seriyaya daxil olacaq modellərdən biri də Galaxy S25 Ultra olacaq.

Cihazlar+

Samsung Galaxy S24 FE-nin ön sifarişinə start verilib

Samsung şirkəti hələ təqdim edilməmiş Galaxy S24 FE-nin ABŞ-da ön sifarişinə start verərək çoxunu təəccübləndirib. Ön sifarişə start verilməsi sayəsində Galaxy S24 FE-nin satış qiymətləri məlum olub.

Cihazlar+

Samsung Galaxy Tab S10+ və Tab S10 Ultra planşetlərinin satış qiymətləri rəsmi saytda ortaya çıxıb

Samsung şirkəti yaxın zamanda Galaxy Tab S10+ və Tab S10 Ultra planşetlərini təqdim etməlidir. İndi isə məlum olub ki, şirkətin saytının ABŞ üzrə versiyasındakı bu planşetlərin ön sifariş səhifəsində onların qiymətləri qeyd edilib.

Cihazlar+

Samsung Galaxy M55s 5G təqdim olunub - QİYMƏTİ

Samsung şirkəti müəyyən müddət ərzində olmuş müxtəlif məlumat sızıntılarından sonra Galaxy M seriyasının yeni orta büdcəli smartfonunu təqdim edib. Söhbət, Galaxy M55s 5G-dən gedir.