Samsung Galaxy S24 smartfonlarının təqdim olunacaqları dəqiq tarix açıqlanıb

     Son zamanlarda ortaya çıxmış məlumatlara əsasən Samsung şirkəti Galaxy S24 smartfon seriyasını yanvar ayında təqdim edəcək. Qeyd etmək lazımdır ki, sözügedən smartfon seriyası baş tutacaq Galaxy Unpacked 2024 adlı tədbir çərçivəsində təqdim olunmalıdır. İndi isə Evan Blass adlı məşhur insayder Galaxy Unpacked 2024 tədbirinin keçiriləcəyi tarixi açıqlayıb. Onun sözlərinə əsasən tədbir 18 yanvar tarixində təqdim ediləcək. Lakin insayder bildirib ki, baş tutacaq Galaxy Unpacked 2024 tədbirində əsas diqqət smartfonlardan çox smartfonlardakı süni zəka imkanlarına ayrılacaq.