Samsung-un gələn ilin əvvəlində təqdim edəcəyi Galaxy S24 smartfon seriyasına daxil olacaq Galaxy S24 Ultra modeli barəsində məlumatlar ortaya çıxmağa davam edir. Bu dəfə insayderlər sözügedən smartfonun əsas arxa kamerası barəsində məlumatlar veriblər. Beləliklə verilmiş məlumata əsasən Galaxy S24 Ultra smartfonu HP2SX adlı yeni əsas arxa kamera sensorunu əldə edəcək. O, 200 MP-lik olacaq. Qeyd etmək lazımdır ki, hal hazırda aktual olan Galaxy S23 Ultra modelində HP2 adlı 200 MP-lik kamera sensorundan istifadə edilir. Bu iki kamera sensoru arasında heç bir texniki fərq olmayacaq. Şirkət sadəcə olaraq HP2SX-nı software səviyyəsində təkmilləşdirəcək.