Samsung Galaxy S24 Ultra-nın kameraları barəsində əlavə məlumatlar verilib

    Ice Universe ləqəbli məşhur insayder gələn ilin əvvəlində təqdim olunacaq Samsung Galaxy S24 Ultra smartfonunun arxa kameraları barəsində növbəti məlumatları təqdim edib. İnsayderin sözlərinə əsasən Galaxy S24 Ultra-nın arxa kameralarından biri olacaq 50 MP-lik teleobyektiv 1/2.52 formatlı optik matrisaya sahib olacaq. Bununla belə matrisanın sahib olacağı hər bir pikselin ölçüsü 0.7 mikrometr təşkil edəcək. İnsayder bildirib ki, bütün bunlar smartfona yaxşı işıqlandırılmamış mühitdə və 5 qat rəqəmsal zoom rejimində daha keyfiyyətli fotoların çəkilməsi imkanını verəcək. Üstəlik məlumatda qeyd edilib ki, smartfonun 10 qat zoom özəllikli periskop kamera obyektivi 10 MP-lik olacaq.