Samsung Galaxy S24 Ultra-nın maksimal daxili yaddaş həcmi nə qədər olacaq?

    Samsung-un gələn ilin əvvəlində təqdim edəcəyi Galaxy S24 smartfon seriyasına daxil olacaq Galaxy S24 Ultra modeli barəsində məlumatlar ortaya çıxmağa davam edir. Verilmiş məlumata əsasən Galaxy S24 Ultra modeli Galaxy S seriyasında ən böyük daxili yaddaş həcminə sahib ola bilər. Belə ki, insayderlər bildiriblər ki, Galaxy S24 Ultra-nın maksimal daxili yaddaş həcmi 2 TB təşkil edəcək. Smartfonun minimal daxili yaddaş həcminin isə 256 GB təşkil edəcəyi gözlənilir. Qeyd etmək lazımdır ki, Galaxy S23 Ultra modelində də minimal daxili yaddaş həcmi 256 GB təşkil edir.