Samsung Galaxy S24 Ultra-nın müxtəlif gövdə rənglərində yeni render fotoları təqdim edilib

     Bir neçə həftə bundan öncə məşhur insayder Ross Young Galaxy S24 Ultra-nın hansı gövdə rənglərinə sahib olacağı barəsində məlumat vermişdi. O bildirmişdi ki, smartfon qara, boz, bənövşəyi və sarı gövdə rənglərində satışa çıxacaq. İndi isə Phonearena saytı insayderin bu məlumatını vizuallaşdırıb. Təqdim edilmiş yeni render fotolar Galaxy S24 Ultra-nın daha öncə ortaya çıxmış CAD təsvirləri əsasında hazırlanıb. Birinci fotoda insayderin qeyd etmiş olduğu rənglər, ikinci fotoda isə əlavə rənglər əks olunub. İkinci fotoda smartfon narıncı, açıq-mavi və açıq-yaşıl rənglərdə əks olunub. Qeyd etmək lazımdır ki, Galaxy S24 smartfon seriyasının yanvar ayında təqdim olunacağı gözlənilir.