Samsung Galaxy S25, S25+ və S25 Ultra təqdim olunub - QİYMƏTİ

     Samsung dünən gecə ABŞ-da keçirtmiş olduğu Galaxy Unpacked 2025 tədbiri çərçivəsində Galaxy S25 smartfon seriyasını təqdim etdi. Bu yeni smartfon seriyasına 3 model daxil oldu. Galaxy S25, S25+ və S25 Ultra. İlk növbədə Galaxy S25 və S25+ modellərinə nəzər yetirək. Bu iki model həm xarici görünüşcə həm də bəzi texniki imkanlar baxımından bir-birinin oxşarıdır. Beləliklə Galaxy S25 modeli 1 Hz-dən 120 Hz-ə kimi təsvir yenilənməsinə sahib 2340x1080 piksel keyfiyyətli 6.21 düym ölçülü Dynamic AMOLED 2X ekranla, Galaxy S25+ modeli isə 1 Hz-dən 120 Hz-ə kimi təsvir yenilənməsinə sahib 3120x1440 piksel keyfiyyətli 6.7 düym ölçülü Dynamic AMOLED 2X ekranla təchiz olunub.

     Hər iki smartfonun ekranında maksimal parlaqlıq səviyyəsi 2600 nit təşkil edir. Üstəlik barmaq izi skanı texnologiyası da bu smartfonlarda birbaşa ekrana inteqrasiya edilib. Hər iki smartfonun gövdəsi IP68 standartı üzrə sudan qorunma özəlliyinə sahibdir. Bu smartfonlar Snapdragon 8 Elite for Galaxy prosessoru vasitəsilə çalışırlar və 12 GB RAM-ı əldə ediblər. Galaxy S25 modeli özündə 128/256/512 GB daxili yaddaş həcmini, Galaxy S25+ modeli isə özündə 256/512 GB daxili yaddaş həcmini birləşdirir. Kameralar mövzusunda hər iki smartfon 50 MP (f/1.8 diafraqma, 85 dərəcə bucaq əhatəsi, optik stabilizasiya) + 12 MP (f/2.2 diafraqma, 120 dərəcə bucaq əhatəsi) + 10 MP (f/2.4 diafraqma, 3 qat optik zoom, 30 qat rəqəmsal zoom, 36 dərəcə bucaq əhatəsi, optik stabilizasiya) üçlü arxa kameraya və 12 MP-lik ön kameraya sahibdir.

     Batareyaya gəldikdə isə Galaxy S25 modeli 25 vatt gücündə sürətli şarj texnologiyalı 4000 mAh enerji tutumlu batareyanı, Galaxy S25+ modeli isə 45 vatt gücündə sürətli şarj texnologiyalı 4900 mAh enerji tutumlu batareyanı əldə edib. Hər iki smartfon sürətli naqilsiz şarj texnologiyasının dəstəyinə sahibdir. İndi isə Galaxy S25 Ultra modelinə nəzər yetirək. Galaxy S25 Ultra smartfonu keçən ilki Galaxy S24 Ultra-dan xarici görünüşcə bir qədər fərqlənir. Belə ki, keçən ilki Galaxy S24 Ultra modeli iti künc hissələrə sahib olduğu halda Galaxy S25 Ultra modelində künc hissələr daha yuvarlaq olublar.

     Galaxy S25 Ultra modeli 1 Hz-dən 120 Hz-ə kimi təsvir yenilənməsinə sahib 3120x1440 piksel keyfiyyətli 6.9 düym ölçülü Dynamic AMOLED 2X ekranla təchiz olunub. Smartfonun ekranı Gorilla Glass Armor 2 qoruyucu şüşəsi, arxa paneli isə Gorilla Glass Victus 2 qoruyucu şüşəsi ilə əhatə olunub. Barmaq izi skanı texnologiyası birbaşa ekrana inteqrasiya edilib. Bundan əlavə olaraq onun gövdəsi IP68 standartı üzrə sudan qorunma özəlliyinə sahibdir. Galaxy S25 Ultra smartfonu Snapdragon 8 Elite for Galaxy prosessoru vasitəsilə çalışır və 12 GB RAM ilə 256/512 GB/1 TB daxili yaddaş həcmini əldə edib.

     Kameralar mövzusunda smartfon 200 MP (f/1.7 diafraqma, 85 dərəcə bucaq əhatəsi, optik stabilizasiya) + 50 MP (f/1.9 diafraqma, 120 dərəcə bucaq əhatəsi) + 10 MP (f/2.4 diafraqma, 3 qat optik zoom, 30 qat rəqəmsal zoom, 36 dərəcə bucaq əhatəsi, optik stabilizasiya) + 50 MP (f/3.4 diafraqma, 5 qat optik zoom, 100 qat rəqəmsal zoom, optik stabilizasiya) üçlü arxa kameraya və 12 MP-lik ön kameraya sahibdir. Batareyaya gəldikdə isə Galaxy S25 Ultra 45 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Galaxy S25 smartfonları gələn ayın ortasında satışa çıxacaqlar. Galaxy S25 modelinin qiyməti 799$-dan, Galaxy S25+ modelinin qiyməti 999$-dan, Galaxy S25 Ultra modelinin qiyməti isə 1299$-dan start götürəcək.

Bənzər xəbərlər

Cihazlar+

Gələn il təqdim ediləcək Samsung Galaxy S26 Ultra-nın fərqləndirici özəlliyi açıqlanıb

Samsung bu axşam ABŞ-da Galaxy S25 smartfon seriyasını təqdim edəcək. Gözləntilərə əsasən bu seriyaya 4 model daxil olacaq. Galaxy S25, S25+, S25 Ultra və nazik gövdəli S25 Slim. Təqdimata saatlar qalmış Digital Chat Station ləqəbli məşhur insayder gələn ilin əvvəlində təqdim olunacağı gözlənilən Galaxy S26 Ultra barəsində məlumat verib.

Cihazlar+

Samsung Galaxy Z Fold 7 vacib özəllikdən məhrum ola bilər

Samsung şirkəti bu ilin ikinci yarısında qatlana bilən Galaxy Z Fold 7 smartfonunu təqdim etməlidir. Ortaya çıxmış yeni məlumata əsasən sözügedən yeni qatlana bilən smartfon əsas özəlliklərindən birini itirə bilər.

Cihazlar+

Samsung-un bəzi yeni qatlana bilən smartfonları Snapdragon 9 Elite prosessorunun yeni versiyasını əldə edəcəklər

Keçən il ortaya çıxmış məlumatlara əsasən Samsung şirkəti 2025-ci ildə 4 ədəd yeni qatlana bilən smartfon təqdim edəcək.

Cihazlar+

Samsung Galaxy S25 Slim-in gövdəsinin nə dərəcədə nazik olacağı sərgilənib

Samsung şirkətinin gələn həftə təqdim edəcəyi Galaxy S25 smartfon seriyasına 4 model daxil olacaq. Galaxy S25, S25+, S25 Ultra və S25 Slim.

Cihazlar+

Samsung dözümlü gövdəyə sahib Galaxy XCover 7 Pro smartfonu üzərində çalışır

Samsung şirkəti keçən ilin əvvəlində dözümlü gövdəyə sahib Galaxy XCover 7 smartfonunu təqdim etmişdi. İndi isə məlum olub ki, şirkət onun Pro versiyası üzərində çalışır.