Samsung-un Unpacked tədbirinə hələ bir neçə ay qalsa da, gözlənilən telefon seriyasının bir çox xüsusiyyətləri və detalları artıq sızdırılıb. Ən vacib sızıntılardan biri, yeni Ultra modelinin S24-dən fərqli olaraq əllə daha rahat tutulan və kənarlarının əyri dizayna sahib olmasıdır. Galaxy S25 Ultra böyük ölçüdə olsa da, yenilənmiş dizaynı ilə daha rahat istifadə təcrübəsi təqdim edəcək.

     Ortaya çıxan yeni sızıntılarda cihazların keyslərinin də paylaşıldığını görmək mümkündür. Galaxy S25 Ultra modelinin keysinə baxdıqda 4 kamera sensoru üçün geniş yer ayrıldığı halda, Galaxy S25 və S25+ modelləri üçün isə 3 kameralı oxşar dizayn yer alır. Yan tərəfdə isə alışdığımız güc və səs düymələri isə sağ tərəfdə yerləşir. Ön tərəfdə isə ekran qoruyuculara görə, hər 3 modelin daha incə çərçivələrə sahib olacağı iddia edilib. Paylaşılan görüntülərə əsasən, Ultra daxil olmaqla bütün modellərin düz ekranla gələcəyi vurğulanıb.

     Ölçülərə gəlincə, S25 seriyası əvvəlkindən daha incə olacaq. Galaxy S25, S24-ün 7.6 mm qalınlığından bir qədər incə olacaq və 146.94 x 70.46 x 7,25 mm ölçülərdə təqdim oluna bilər. Galaxy S25+ üçün isə 158.44 x 75.79 x 7.35 mm ölçülər gözlənilir. Galaxy S25 Ultra isə 162.82 x 77.65 x 8.25 mm ölçülərə malik olacaq.