Samsung Galaxy S25 smartfonu daha baha qiymətə satıla bilər
Cihazlar+
21.05.2024
Emil
Samsung şirkəti gələn ilin əvvəlində Galaxy S25 flaqman smartfonunu təqdim edəcək. Digital Chat Station ləqəbli məşhur insayder öz növbəsində Galaxy S25-in satış qiyməti barəsində vacib bir məlumatı çatdırıb. Onun sözlərinə əsasən Galaxy S24 ilə müqayisədə Galaxy S25-in satış qiyməti daha yüksək olacaq. Səbəb isə yeni smartfonda Snapdragon 8 Gen 4 flaqman prosessorunun istifadəsi olacaq. İnsayder bildirib ki, Qualcomm-un oktyabr ayında təqdim edəcəyi Snapdragon 8 Gen 4 prosessoru Snapdragon 8 Gen 3 də daxil olmaqla daha əvvəlki flaqman Snapdragon prosessorlarından daha baha qiymətə satılacaq.
Prosessorun qiymətinin yüksəlməsi isə öz növbəsində smartfon istehsalına öz təsirini göstərəcək. Belə ki, hal-hazırda smartfonlar üçün nəzərdə tutulmuş ekranlar ilə prosessorlar şirkətlərə artıq baha başa gəlirlər. Məlumata əsasən Snapdragon 8 Gen 4-ün qiymətinin yüksəlməsinin əsas səbəbi onda Qualcomm-un Oryon adlı fərdi nüvələrinin istifadə ediləcəyi ola bilər. Belə ki, Oryon nüvələri sayəsində Snapdragon 8 Gen 4-ün final versiyasının performansı Apple şirkətinin A və M seriyasına daxil olan prosessorlarının performansları ilə eyni səviyyədə ola bilər. Bununla yanaşı Snapdragon 8 Gen 4 prosessoru TSMC şirkətinin ikinci nəsil 3 nanometrlik texnoloji prosesi əsasında istehsal ediləcək. Bu da prosessorun yekun qiymətinə öz təsirini göstərəcək.
Paylaş
Bənzər xəbərlər
Cihazlar+
Samsung Galaxy Z Fold 6-nın qatlanan ekranı üzərində qatlanma izi daha az nəzərə çarpacaq
Samsung şirkəti yay fəslində qatlana bilən Galaxy Z Fold 6 smartfonunu təqdim etməlidir. Ice Universe ləqəbli məşhur insayder isə öz növbəsində sözügedən smartfonun daxili ekranının əsas müsbət özəlliklərindən birini açıqlayıb.
Cihazlar+
Samsung Galaxy Watch 7 və Watch FE smart saatları sertifikatlaşdırmadan keçiblər
Son məlumat sızıntılarına əsasən Samsung şirkəti növbəti Galaxy Unpacked tədbirini yay fəslində keçirəcək.
Cihazlar+
Samsung Galaxy M35-in yeni render fotoları təqdim edilib
Hələ təqdim olunmamış Samsung Galaxy M35 smartfonu iki gün bundan öncə Google Play Console servisində ortaya çıxdı.
Proqram Təminatı
Samsung Galaxy A33 və A73 smartfonları OneUI 6.1-i əldə etməyə başlayıblar
Samsung öz smartfonlarında OneUI 6.1 istifadəçi interfeysini istifadəyə verməyə davam edir. Şirkət bir neçə müddət bundan öncə bu istifadəçi interfeysinin öz flaqman cihazlarında istifadəyə verilməsinə köklənmişdi.
Cihazlar+
Samsung Galaxy Watch FE smart saatı barəsində yeni təfərrüatlar verilib
Samsung şirkəti bu il ərzində Galaxy Watch 7 smart saat seriyasını təqdim edəcək. Bu smart saat seriyasının yay fəslində təqdim olunacağı gözlənilir. Lakin son zamanlarda ortaya çıxmış müxtəlif məlumatlara əsasən Galaxy Watch 7 smart saatları Samsung-un bu il üçün nəzərdə tutulmuş yeganə smart saatları olmayacaq.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
