Samsung Galaxy S25+ smartfonunun ilk render fotoları təqdim edilib
OnLeaks ləqəbli məşhur insayder gələn ilin əvvəlində təqdim olunacaq Samsung Galaxy S25+ smartfonunun ilk keyfiyyətli render fotolarını təqdim edib. Təqdim edilmiş render fotolardan da görmək olar ki, Galaxy S25+ smartfonu yastı gövdə və ekran dizaynını əldə edəcək. Onun künc hissələri isə dairəvi formada olacaq. Məlumatda qeyd edilib ki, Galaxy S25+ modelinin uzunluğu 158.4 mm, eni 75.7 mm, gövdə qalınlığı isə 7.3 mm təşkil edəcək. İnsayder bildirib ki, smartfon 1 Hz-dən 120 Hz-ə kimi təsvir yenilənməsinə sahib 6.65 düym ölçülü AMOLED ekranla təchiz olunacaq. Qeyd etmək lazımdır ki, sözügedən smartfonun Snapdragon 8 Gen 4 prosessoru vasitəsilə çalışacağı gözlənilir. Lakin heç istisna deyil ki, smartfon bəzi regionlarda Exynos 2500 prosessorunu əldə etsin.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
