Galaxy S25 Ultra ilə bağlı əvvəlki məlumatlarda telefonun dizaynı üzə çıxmışdı. Əvvəlki modeldən fərqli olaraq, yuvarlaqlaşdırılmış künclərə və düz kənarlara sahib olan telefon bir Reddit istifadəçisi tərəfindən videoya çəkilərək yayımlandı. İstifadəçi daha sonra hesabını silib. Sızdırılan videodakı cihazın erkən istehsal mərhələsinə aid olub-olmadığı və ya sadəcə bir prototip olduğu məlum deyil. 10 saniyəlik qısa videoda telefonun titan çərçivələri, qara halqalı kamera obyektivləri və yeni One UI 7 istifadəçi interfeysi açıq şəkildə görünür.

     Qualcomm-un Snapdragon 8 Elite prosessoru ilə təchiz ediləcək Galaxy S25 Ultra 6.8 düym ekrana və əvvəlki modeldən bir qədər daha incə gövdəyə sahib olacaq. Kamera hissəsində isə Galaxy S25 Ultra-nın sələfi S24 Ultra ilə oxşar quruluş təqdim edəcəyi gözlənilir. 200 MP əsas kamera və 50 MP periskop telefoto kameranın mövcud olacağı bildirilir. Bundan əlavə, 5x optik yaxınlaşdırma və OIS dəstəyi də təqdim ediləcək.