Samsung Galaxy S25 Ultra olduqca nazik ekran ətrafı çərçivələri əldə edəcək

     Ice Universe ləqəbli məşhur insayder Samsung-un gələn ilin əvvəlində təqdim edəcəyi Galaxy S25 Ultra smartfonu barəsində məlumatları təqdim etməyə davam edir. Bu dəfə insayder sözügedən yeni smartfonun ölçüləri barəsində məlumatlar verib. Beləliklə insayderin sözlərinə əsasən Galaxy S25 Ultra-nın gövdəsinin eni 77.6 mm təşkil edəcək və bunun 73 mm-ni ekran sahəsi əhatə edəcək. Bu isə o deməkdir ki, Galaxy S25 Ultra-nın ekran ətrafı kənar çərçivələrinin qalınlıqları cəmi 2.3 mm təşkil edəcək.

     Məlumatda həmçinin qeyd edilib ki, smartfonun ekran ölçüsü 6.79 düym-dən 6.86 düym-ə kimi böyüyəcək. Müqayisə üçün qeyd etmək lazımdır ki, hal-hazırda aktual olan Galaxy S24 Ultra-nın ekran ətrafı çərçivələrinin qalınlıqları 3.35 mm təşkil edir. Bu isə o deməkdir ki, Galaxy S25 Ultra-nın ekran ətrafı çərçivələri 30% daha nazik olacaqlar. Qeyd etmək lazımdır ki, son məlumat sızıntılarına əsasən Galaxy S25 Ultra smartfonu Snapdragon 8 Gen 4 prosessoru vasitəsilə çalışacaq, özündə 200 MP-lik əsas arxa kameranı birləşdirəcək və 45 vatt gücündə sürətli şarj texnologiyalı 5000 mAh enerji tutumlu batareyanı əldə edəcək.

 

Bənzər xəbərlər

Cihazlar+

Eynəklərsiz 3D vizual effektləri təmin edən Samsung Odyssey 3D monitoru təqdim edilib

Samsung şirkəti xüsusi eynəklərsiz 3D effektini təmin edən ilk gaming monitorunu təqdim edib. Yeni monitor Samsung Odyssey 3D adlanır.

Cihazlar+

Büdcəli Samsung Galaxy A16 5G-nin hansı həcmdə batareyaya sahib olacağı məlum olub

Samsung şirkəti Galaxy A16 5G adlı yeni büdcəli smartfonunu təqdim etməyə hazırlaşır.

Cihazlar+

Qatlana bilən Samsung Galaxy Z Fold 6 Slim smartfonu dözümlü arxa paneli əldə edə bilər

Bir neçə müddət bundan öncə məlumat ortaya çıxmışdı ki, Samsung şirkəti qatlana bilən Galaxy Z Fold 6 Slim smartfonu üzərində çalışır

Cihazlar+

Samsung Galaxy S25 Ultra-nın batareya həcmi və sürətli şarj texnologiyasının gücü məlum olub

Samsung şirkətinin gələn ilin əvvəlində təqdim edəcəyi Galaxy S25 Ultra smartfonu Çinin 3C adlı sertifikatlaşdırma idarəsinin məlumatlar bazasında ortaya çıxıb.

Cihazlar+

Samsung Galaxy S25 smartfonlarından bəziləri fərqli adlara sahib ola bilərlər

Samsung şirkəti gələn il Galaxy S25 smartfon seriyasını təqdim edəcək. Bu seriyaya adi Galaxy S25, S25+ və S25 Ultra modelləri daxil olacaqlar.