Samsung Galaxy Tab S10 Ultra planşetinin render fotoları təqdim edilib

     Heç sirr deyil ki, Samsung şirkəti hal-hazırda Galaxy Tab S10 planşet seriyası üzərində çalışır və bu seriyaya daxil olacaq modellərdən biri də Galaxy Tab S10 Ultra olacaq. İndi isə OnLeaks ləqəbli məşhur insayder Android Headline saytı ilə birlikdə Galaxy Tab S10 Ultra-nın render fotolarını təqdim edib. Fotolara əsasən yeni planşet xarici görünüşcə hal-hazırda aktual olan Galaxy Tab S9 Ultra-ya bənzəyəcək. Gözləntilərə əsasən Galaxy Tab S10 Ultra planşeti metal materialdan hazırlanmış gövdəni əldə edəcək və gövdənin özü sudan qorunma özəlliyinə sahib olacaq.

     Planşetin ölçülərində hər hansısa dəyişikliyin olacağı gözlənilmir. Planşetin 14.6 düym ölçülü AMOLED ekranla təchiz olunacağı və Snapdragon 8 Gen 4 və ya Snapdragon X Elite prosessoru vasitəsilə çalışacağı güman edilir. Təqdim edilmiş render fotolara əsasən planşet ikili arxa kameranı əldə edəcək. Bundan əlavə olaraq planşetin gövdəsi S Pen stilusunun bərkidilməsi üçün maqnit sahəyə sahib olacaq. Galaxy Tab S10 planşet seriyasının nə zaman təqdim olunacağı bilinmir. Lakin çox güman ki, təqdimat bu ilin sonuna kimi baş tutacaq.

Bənzər xəbərlər

Cihazlar+

Samsung Galaxy Watch Ultra-nın mövcudluğu şirkət tərəfindən təsdiqlənib

Son zamanlarda ortaya çıxmış məlumata əsasən Samsung şirkəti Galaxy Watch Ultra smart saatını təqdim etməlidir.

Proqram Təminatı

Samsung Galaxy A14 və Galaxy M04 smartfonları OneUI 6.1-i əldə etməyə başlayıblar

Samsung şirkəti öz büdcəli smartfonları üçün OneUI 6.1 istifadəçi interfeysini istifadəyə verməyə davam edir.

Cihazlar+

Samsung Galaxy Ring smart üzüyünün şarj keysi sərgilənib

Ice Universe ləqəbli məşhur insayder təqdimatı gözləmədən Samsung-un Galaxy Ring adlı smart üzüyünün şarj keysinin fotosunu təqdim edib.

Cihazlar+

Samsung Galaxy Watch Ultra-nın render fotoları təqdim edilib

Son zamanlarda ortaya çıxmış məlumatlara əsasən Samsung şirkəti yaxın zamanda Galaxy Watch Ultra adlı tamamilə yeni smart saatını təqdim etməlidir.

Cihazlar+

Samsung Galaxy S24 FE-nin render fotoları təqdim edilib

Biz artıq dəfələrlə xəbər vermişik ki, Samsung şirkəti bu il ərzində Galaxy S24 FE (Fan Edition) smartfonunu təqdim etməlidir. İndi isə OnLeaks ləqəbli məşhur insayder sözügedən smartfonun keyfiyyətli render fotolarını təqdim edib.