Samsung Galaxy Tab S10+ və Tab S10 Ultra planşetlərinin render fotoları təqdim edilib

     Android Headlines saytı Samsung şirkətinin təqdim edəcəyi Galaxy Tab S10+ və Tab S10 Ultra planşetlərinin render fotolarını təqdim edib. Təqdim edilmiş fotolardan belə qənaətə gəlmək olar ki, Galaxy Tab S10+ və Tab S10 Ultra planşetləri xarici görünüşcə Galaxy Tab S9+ və Tab S9 Ultra modellərindən fərqlənməyəcək. Yeni planşetlər böyük ölçülü ekranları və S Pen stilus dəstəyini əldə edəcəklər. Bununla yanaşı Galaxy Tab S10 Ultra modelinin ekranı üzərində ön kamera üçün nəzərdə tutulmuş çıxıntı yerləşəcək. Bəzi məlumatlara əsasən Galaxy Tab S10+ modeli MediaTek Dimensity 9300 prosessoru, Galaxy Tab S10 Ultra modeli isə Snapdragon 8 Gen 3 prosessoru vasitəsilə çalışacaq. Bundan əlavə olaraq bu planşetlərin 45 vatt gücündə sürətli şarj texnolgoiyasını dəstəkləyəcəkləri gözlənilir. Galaxy Tab S10 planşet seriyasının payız fəslində təqdim ediləcəyi güman edilir.