Samsung Galaxy Xcover 7 smartfonu Geekbench testlərindən keçib

     Biz artıq xəbər vermişik ki, Samsung şirkəti hal hazırda yüksək dözümlü gövdəyə sahib olacaq Galaxy Xcover 7 smartfonu üzərində çalışır. İndi isə məlum olub ki, sözügedən smartfon Geekbench testlərindən keçib. Beləliklə Geekbench testlərinə əsasən Galaxy Xcover 7 smartfonu 8 nüvəli MediaTek Dimensity 6100+ prosessoru vasitəsilə çalışacaq. Geekbench testlərindən smartfonun 6 GB RAM-a sahib versiyası keçib. Bununla yanaşı məlumatda qeyd edilib ki, bu smarton Android 14 əməliyyat sisteminə sahib olacaq. Galaxy Xcover 7 Geekbench-in bir nüvəli testi çərçivəsində 663 xal, çox nüvəli testi çərçivəsində isə 1867 xal toplayıb. Smartfonun gələn ilin əvvəlində təqdim olunacağı gözlənilir.