Samsung Galaxy Z Fold 5-in satış qiyməti barəsində məlumat verilib

    Samsung-un yeni qatlana bilən smartfonu olacaq Galaxy Z Fold 5 barəsində məlumatlar internetdə ortaya çıxmağa davam edir. Bu dəfə insayderlər smartfonun satış qiyməti barəsində məlumat veriblər. Onların sözlərinə əsasən hal hazırda aktual olan Galaxy Z Fold 4 ilə müqayisədə Galaxy Z Fold 5 bir qədər ucuz qiymətə satılacaq. Çox güman ki, söhbət, 1699$ satış qiymətindən gedir.

    Müqayisə üçün qeyd etmək lazımdır ki, hal hazırda Galaxy Z Fold 4-ün satış qiyməti 1799$ təşkil edir. Son məlumat sızıntılarına əsasən Galaxy Z Fold 5 smartfonu 120 Hz-lik təsvir yenilənməsinə sahib QXGA+ keyfiyyətli 7.6 düym daxili ekran, HD+ keyfiyyətli 6.2 düym xarici ekran, Snapdragon 8 Gen 2 prosessoru, 12 GB RAM, 256/512 GB/1 TB daxili yaddaş həcmi, 50 MP + 12 MP+ 12 MP üçlü arxa kamera və 25 vatt gücündə sürətli şarj texnologiyalı 4400 mAh enerji tutumlu batareya ilə təchiz olunacaq.