Samsung Galaxy Z Fold 6 Slim-in kameraları barəsində məlumatlar verilib
Cihazlar+
23.08.2024
Emil
GalaxyClub saytı yaxın aylar ərzində təqdimatı gözlənilən qatlana bilən Galaxy Z Fold 6 Slim smartfonunun kameraları və bu smartfonun nə zaman təqdim oluna biləcəyi barəsində məlumatları təqdim edib. Qeyd etmək lazımdır ki, gözləntilərə əsasən Galaxy Z Fold 6-dan fərqli olaraq Galaxy Z Fold 6 Slim olduqca nazik gövdəni əldə edəcək. Güman olunur ki, Galaxy Z Fold 6 Slim-in qatlanmış vəziyyətdə qalınlığı 10 mm təşkil edəcək. Müqayisə üçün qeyd etmək lazımdır ki, adi Galaxy Z Fold 6-nın qatlanmış vəziyyətdə gövdəsinin qalınlığı 12 mm təşkil edir.
GalaxyClub tərəfindən təqdim edilmiş məlumatlarda qeyd edilib ki, Galaxy Z Fold 6 Slim smartfonunun xarici ekranının üzərində ön kamera 10 MP-lik olacaq. Bununla yanaşı smartfon adi Galaxy Z Fold 6-da istifadə edilən 12 MP-lik ultra geniş bucaqlı kameranı əldə edəcək. Lakin Galaxy Z Fold 3-dən başlayaraq şirkət ilk dəfə Galaxy Z Fold 6 Slim-də daxili ekranın alt hissəsindəki ön kameranı yeniləyəcək. Belə ki, yeni smartfonun daxili ekranının alt hissəsindəki ön kamera 5 MP-lik olacaq. Keçən ay təqdim edilmiş Galaxy Z Fold 6-da və ondan əvvəlki Galaxy Z Fold modellərində daxili ekran üzərindəki ön kamera 4 MP-likdir. Galaxy Z Fold 6 Slim-in nə zaman təqdim olunacağı mövzusuna gəldikdə isə məlumata əsasən o, 25 sentyabr tarixində təqdim ediləcək. Ehtimal var ki, bu smartfon eksklüziv olaraq yalnız Cənubi Koreyada və Çində satılacaq.
Paylaş
samsung foldable phone
samsung foldable phone 2024
samsung
samsung galaxy z fold 6 slim
galaxy z fold 6 slim
Bənzər xəbərlər
Elm & Texnologiya
Samsung, rezin kimi dartıla bilən Micro LED displeyini təqdim edib!
Samsung-un ekran texnologiyaları sahəsində aparıcı bölməsi olan Samsung Display, inqilabi ekran paneli hazırlayıb. Belə ki, şirkət, rezin kimi dartıla bilən öz Micro LED ekranını təqdim edib.
Elm & Texnologiya
Samsung smartfonlar üçün daha az enerji sərfiyyatına sahib yeni nəsil OLED ekranlar üzərində çalışır
Ekran smartfonlarda ən çox enerji sərfiyyatına sahib komponentlərdən biridir. Samsung isə bu vəziyyəti dəyişmək qərarına gəlib.
Cihazlar+
Samsung Galaxy S24 FE-nin Exynos 2400e prosessoruna sahib versiyası Geekbench testlərindən keçib
Yaxın aylar ərzində təqdim olunacağı gözlənilən Samsung Galaxy S24 FE smartfonunun Exynos 2400 prosessorunun sadələşdirilmiş versiyasına sahib modeli Geekbench testlərindən keçib.
Cihazlar+
Samsung Galaxy Tab S10+ və Tab S10 Ultra planşetlərinin render fotoları təqdim edilib
Android Headlines saytı Samsung şirkətinin təqdim edəcəyi Galaxy Tab S10+ və Tab S10 Ultra planşetlərinin render fotolarını təqdim edib.
Cihazlar+
Samsung Galaxy S25 Ultra olduqca nazik ekran ətrafı çərçivələri əldə edəcək
Ice Universe ləqəbli məşhur insayder Samsung-un gələn ilin əvvəlində təqdim edəcəyi Galaxy S25 Ultra smartfonu barəsində məlumatları təqdim etməyə davam edir.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
