Samsung növbəti Galaxy Unpacked təqdimat tədbirini rəsmi şəkildə anons edib

     Samsung şirkəti növbəti Galaxy Unpacked təqdimat tədbirini rəsmi şəkildə anons edib. Daha öncəki məlumat sızıntısında da qeyd edildiyi kimi növbəti Galaxy Unpacked tədbiri 10 iyul tarixində baş tutacaq. Təqdimat tədbiri Parisdə keçiriləcək. Qeyd etmək lazımdır ki, 10 iyul tarixində baş tutacaq Galaxy Unpacked tədbirində yeni qatlana bilən Galaxy Z Fold 6 və Z Flip 6 smartfonları, Galaxy Watch 7 və Galaxy Watch Ultra smart saatları, o cümlədən Galaxy Ring smart üzüyü təqdim olunmalıdırlar. Heç istisna deyil ki, şirkət üstəlik Galaxy Buds 3 və Buds 3 Pro naqilsiz qulaqlıqlarını da təqdim etsin. Üstəlik Galaxy AI ekosisteminin yeni süni zəka funksiyalarının olacağı da gözlənilir.