Samsung ortü büdcəli Galaxy A56 5G smartfonunu hazırlayır

     Ortaya çıxmış yeni məlumata əsasən Samsung şirkəti Galaxy A seriyasının yeni orta büdcəli smartfonu üzərində çalışır. Söhbət, Galaxy A56 5G-dən gedir. Smartprix saytı sözügedən smartfonu IMEI məlumatlar bazasında aşkar edib. IMEI məlumatlar bazasında yeni smartfonun model nömrəsi kimi SM-A566B/DS qeyd edilib. Hazırlanan yeni smartfon Galaxy A55 5G-nin davamçısı olmalıdır. Galaxy A56 5G modelinin IMEI məlumatlar bazasında ortaya çıxması onun şirkət daxilində test olunduğuna və 2025-ci ilin əvvəlində təqdim olunacağına işarə edir. İnsayderlərin sözlərinə əsasən bu yeni smartfon hələ təqdim edilməmiş Exynos 1580 prosessoru vasitəsilə çalışacaq.