Samsung qatlana bilən Galaxy Z Fold 6-nın büdcəli versiyasını ləğv etmiş ola bilər
Cihazlar+
14.05.2024
Emil
Samsung şirkətinin yay fəslində təqdim edəcəyi gözlənilən qatlana bilən Galaxy Z Fold 6 smartfonu barəsində son zamanlarda müxtəlif məlumatlar ortaya çıxıb. Bəzi məlumatlarda Galaxy Z Fold 6-nın büdcəli versiyasının, digər məlumatlarda isə onun Galaxy Z Fold 6 Ultra adlı daha premium versiyasının təqdim olunacağı qeyd edilib. Lakin verilmiş yeni məlumata əsasən Samsung Galaxy Z Fold 6-nın büdcəli versiyasını ləğv edə bilər.
The Elec saytının vermiş olduğu məlumata əsasən şirkət Galaxy Z Fold 6-nın bu il daha büdcəli versiyasının təqdimatı ilə bağlı planlarına yenidən nəzər yetirir. Məlumatda qeyd edilib ki, Samsung şirkəti Galaxy Z Fold 6-nın büdcəli versiyasını adi versiya ilə birgə təqdim etməyi planlaşdırırdı. The Elec saytının sözlərinə əsasən şirkət bir neçə müddət bundan öncə IPX8 reytinqinə və 200 000 qatlanma reytinqinə sahib smartfonun testini yekunlaşdırıb.
Lakin test edilmiş smartfon Çin şirkətlərinin qatlana bilən smartfonlarından daha nazik olmayıb. Samsung isə öz növbəsində adi Galaxy Z Fold 6-dan daha nazik və Çin şirkətlərinin analoqlarından daha dözümlü olan smartfonu hazırlamağı hədəfləmişdi. Lakin görünür, şirkət bu məqsədlərə nail ola bilməyib. Məlumatda qeyd edilib ki, bütün bunlar Samsung-un Galaxy Z Fold 6-nın daha büdcəli versiyasından imtina etməsinə səbəb olub. Son məlumata əsasən isə şirkət bu il yalnız Galaxy Z Fold 6 ilə Z Flip 6-nı təqdim edəcək.
Paylaş
Bənzər xəbərlər
Proqram Təminatı
Samsung Galaxy S21 FE və Galaxy A54 smartfonları OneUI 6.1-i əldə etməyə başlayıblar
Samsung şirkəti tədricən öz smartfonlarını OneUI 6.1 istifadəçi interfeysi ilə təmin etməyə davam edir.
Digər
Samsung, prosessorlarda inqilab yaradacaq şüşə substratlar üzərində işləri sürətləndirib!
Prosessorlar və yarımkeçiricilər yaxın illərdə şüşə substratların istifadəsi ilə unikal bir dövrə keçməyə hazırlaşır və Samsung da bu sahədə rəqiblərini qabaqlamaq üçün işləri sürətləndirməyə başlayıb.
Cihazlar+
Samsung Galaxy Z Flip 6-nın mərkəzi prosessoru Geekbench testlərindən keçib
Samsung şirkətinin yay fəslində təqdim edəcəyi gözlənilən qatlana bilən Galaxy Z Flip 6 smartfonu yenidən Geekbench testlərindən keçib.
Cihazlar+
Samsung Galaxy Z Fold 6 daha geniş xarici ekranı əldə edə bilər
Samsung şirkəti yay fəslində yeni qatlana bilən smartfonlarını təqdim etməlidir. Söhbət, Galaxy Z Fold 6 ilə Z Flip 6-dan gedir.
Cihazlar+
Samsung Galaxy F55 smartfonunun təqdimatı anons edilib
Bir neçə həftə ərzində olmuş müxtəlif məlumat sızıntılarından sonra Samsung şirkəti Galaxy F55 smartfonunun təqdimatını anons edib.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
