Samsung-un 1 düym-lük kamera sensorunu ilk dəfə hansı smartfona quraşdıracağı məlum olub

    Ice Universe ləqəbli məşhur insayderin sözlərinə əsasən Samsung şirkəti öz smartfonlarına 1 düym ölçülü kamera sensorlarını quraşdırmağa tələsmir. “Samsung 1 düym ölçülü əsas kamera sensorunu Galaxy S26 Ultra-ya quraşdırmağı planlaşdırır” - deyə insayder qeyd edib. Bununla yanaşı insayder bildirib ki, o, yaxın zamanda Galaxy S24 Ultra-nın kameraları barəsində məlumatları əldə edəcək. Artıq indidən məlumdur ki, Samsung Galaxy S24 smartfonlarında ekran ətrafı çərçivələri kiçiltmə yolu ilə gedəcək. Məlumata əsasən Samsung şirkət daxilində xüsusi şöbə formalaşdırıb və həmin şöbə analoqu olmayan yeni texnologiyalar ilə məhsulların hazırlanması üçün nəzərdə tutulub.