2021-ci ildə Galaxy Note seriyasının yeni smartfonları təqdim olunmadığı vaxtda Samsung şirkətinin pərəstişkarları məyus olmuşdular. Artıq həmin ildən başlayaraq Galaxy Note seriyasını qatlana bilən Galaxy Z seriyası əvəz etməyə başladı. Lakin görünür, Samsung-un özü bu cür qərardan razıdır. Belə ki, Samsung-un Avropa üzrə marketinq direktoru Benjamin Braun Berlində keçirilən IFA 2023 sərgisi çərçivəsində təşkil olunmuş press-konfrans zamanı bildirib ki, şirkət Avropa bazarında zamanında satmıış olduğu Galaxy Note smartfonlarından daha çox qatlana bilən smartfon sata bilib. “Bizim yeni qatlana bilən smartfonlarımız olduqca sürətlə satılır. Bizim qatlana bilən smartfonlarımızın Avropada illik satışları faktiki olaraq Galaxy Note satışlarını geridə qoyublar” - deyə Benjamin Braun qeyd edib.