main-post-cover

    Samsung yeni büdcəli Galaxy A24 smartfonunu anons edib

    Cihazlar+
    17.03.2023
    Emil Nəcəfov
        Samsung şirkətinin rəsmi saytında Galaxy A seriyasının yeni smartfonunun adı ortaya çıxıb. Söhbət, Galaxy A24-dən gedir. İnsayderlər isə şirkət tərəfindən hazırlanan bu yeni büdcəli smartfonun texniki özəllikləri barəsində məlumatlar veriblər. Beləliklə verilmiş məlumata əsasən Galaxy A24 modeli xarici görünüşcə bir neçə gün bundan öncə təqdim edilmiş Galaxy A34 ilə A54-ə bənzəyəcək.
        O, 90 Hz-lik təsvir yenilənməsinə sahib Full HD+ keyfiyyətli 6.5 düym AMOLED ekran ilə təchiz olunacaq. Əsas texniki göstəricilərə gəldikdə isə Galaxy A24 smartfonu Snapdragon 680 prosessoru, 4 GB RAM, 128 GB daxili yaddaş həcmi (1 TB-a kimi microSD dəstəkli), 50 MP (f/1.8 diafraqma, optik stabilizasiya) + 5 MP (f/2.2 diafraqma) + 2 MP (f/2.4 diafraqma) üçlü arxa kamera, 13 MP-lik (f/2.0 diafraqma) ön kamera və 25 vatt gücündə sürətli şarj texnologiyalı 5000 mAh enerji tutumlu batareya ilə təchiz olunmalıdır. Smartfon yaxın müddətdə təqdim olunmalıdır.
    Linki kopyala