Samsung yeni reklam videosu ilə Apple-ı yenidən trollayıb (VİDEO)
Samsung şirkəti “A Real Upgrade” adlı reklam videosu yayımlayıb. Koreya şirkətinin fikrincə, həqiqi yeniləmə Galaxy Z Fold 7-dir - qatlana bilən gövdəsi və iPhone-da hələ də mövcud olmayan inkişaf etmiş süni intellekt imkanları ilə. Videoda Galaxy Z Fold 7 istifadəçisinin Galaxy AI funksiyası vasitəsilə fotoda üst geyimsiz təsvir olunduğu halda, sadəcə bir neçə sürətli hərəkətlə özünə realistik köynək əlavə etməsi göstərilir. Alınan effekt isə iPhone sahibi dostunu təəccübləndirir. Bu, Samsung və Google-un Apple-ı müxtəlif sahələrdə geri qalmaqda tənqid etdiyi ilk video deyil.
Ümumiyyətlə, Samsung yeni Apple cihazlarının təqdimatlarını satirik formada işlətməyi sevir. Bu dəfə diqqət iki məqama yönəlib - qatlana bilən iPhone-un olmamasına və Apple Intelligence-in Galaxy AI və Google Gemini-dən geri qalmasına. Samsung-un fikrincə, həm Apple Intelligence, həm də Siri hələlik süni intellekt bazarının liderlərindən çox uzaqdır. Lakin vəziyyət dəyişə bilər. Məlumata görə, qatlana bilən iPhone üzərində işlər artıq gedir və o, gələn il təqdim oluna bilər. Bundan başqa, Kupertinoda Siri aktiv şəkildə təkmilləşdirilir, baxmayaraq ki, bu proses çətinliksiz ötüşmür - son vaxtlar Apple bu sahədə aparıcı mütəxəssislərin itkisi ilə üzləşir.
Paylaş
