Reklam
Saxta iPhone alsam, nə baş verər?

Saxta iPhone alsam, nə baş verər?

Mobil Cihazlar
11.07.2022 PAYLAŞIM

    Ucuz ətin şorbası olmaz amma bəzən ucuz ətin yaxşı görünüşü ola bilər. Elə bu məntiqlə şorbaya fikir verməyən insanlar bəzən bilərəkdən məşhur smartfonların çox ucuz saxta alternativlərini istifadə edirlər. Məsələn, elə götürək elan saytında qoyulan 3000 manat real qiyməti olub amma 300 manata satılan bu iPhone 13-ü. Heç də orijinalından görünüş baxımından fərqlənmir. Bəs görünüşə aldanıb, əldə etdiyiniz belə cihazlar hansı təhlükələri yarada bilər? Azercell-in təqdimatında Tech-Help-də saxta iPhone-ların xüsusiyyətləri və təhlükələrindən danışırıq.

    İlk olaraq onu deyim ki, bundan əvvəlki buraxılışda da dediyimiz kimi bu tipli smartfonlara dubayski, dubay variantı demək yanlışdır. Çünki, belə cihazların əksəriyyətinin istehsal yeri saxta məhsulların vətəni olan Çin-dir. Mövzuya başlamadan həmin videonu izləməyi məsləhət görərdim. Bizim məsələyə gəlincə, 300 manata aldığımız iPhone bizə nələr vəd edir, gəlin birgə nəzər salaq.


    Nömrə 1 - Əmin ola bilərsiniz ki, saxta iPhone-ların əməliyyat sistemi iOS deyil. Bu cihazlar iOS interfeysinə bənzəyən launçerlərdən istifadə edirlər. Cihazın daxili sistemi isə Andoridin hər hansı bir köhnə versiyası olur. Buna görə də belə cihazlar demək olar ki, yenilənmə almırlar.

    Nömrə 2 - Saxta iPhone-lar orijinallarında olan heç bir texniki hissədən istifadə etmirlər. Bu cihazların texniki imkanları zəif andorid telefonların texniki imkanlarına bərabər olur. Nə kamera, nə prosessor nə də batareya o deyil. Hətta biraz sizi qorxudaraq deyə bilərəm ki, o batareyaların əldə partlama riski çox yüksək olur.

    Nömrə 3 - Saxta iPhone-lar normal smartfonların SAR dəyərindən daha çox göstəiriciyə sahib olurlar. SAR dəyəri simsiz rabitə cihazlarının insan bədəninə hopturduğu radiasının miqdarına deyilir. Bu dəyər nə qədər yüksək olarsa, siz bir o qədər mobil cihaz tərəfindən şüalanmaya məruz qalırsınız. Saxta çin brendlərində isə bu dəyərlər yüksək olur və ümumiyyətlə labaratoriya şəraitində yoxlanılmır.

    Nömrə 4 - Saxta cihazlarda məlumatlarınızın oğurlanma riski böyükdür. Çünki belə cihazlarda sizin məlumat təhlükəsizliyinizə görə heç bir rəsmi şirkət cavabdeh olmur. Saxta IMEI kodlar ilə IMEI kodu əvəzlənən bu cihazlar potensial kiber hücum hədəfidir. Odur ki, belə bir cihaz istifadə edirsinizsə, şəxsi məlumatlarınızı belə smartfonlarda saxlamamaq məsləhətdir.

    Və ən əsası. Saxta iPhone-lara verilən pullar sadəcə onun görünüşünü əldə etmək üçündür. Belə cihazlar hər nə qədər iddialı olsalar da, dedikləri qədər performanslı olmurlar. Saxta cihazlara pul verib, görünüş əldə etməkdənsə, həmin pula, uyğun seqmentdən başqa bir orijinal android smartfon əldə etmək daha məntiqlidir. Bəs siz sadəcə görüntü üçün saxta iPhone-a pul verərdiniz? Fikirlərinizi rəy bölməsində bizimlə bölüşün. Daha çox texnoloji məlumat üçün isə bizim kanalı izləməyi unutmayın.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Qatlana bilən Xiaomi Mix Fold 2 və Redmi K50 Ultra təqdim olunub - QİYMƏTİ

Xiaomi xüsusi təqdimat tədbiri çərçivəsində qatlana bilən Mix Fold 2 və Redmi K50 Ultra flaqman smar..


200 MP-lik kameraya sahib Moto X30 Pro və qatlana bilən Motorola RAZR (2022) təq..

Motorola şirkəti artıq uzun zamandır ki, barəsində məlumatlar yayılan Moto X30 Pro adlı flaqman smar..


Qatlana bilən Samsung Galaxy Z Fold 4 və Galaxy Z Flip 4 təqdim olunub - QİYMƏTİ..

Samsung şirkəti Galaxy Unpacked 2022 tədbiri çərçivəsində öz yeni qatlana bilən smartfonları Galaxy ..


iPhone 14 Pro-nun real fotoları ortaya çıxıb

Artıq gələn ay Apple şirkəti iPhone 14 smartfon seriyasını təqdim edəcək.


Yeni OnePlus 10T flaqman smartfonu təqdim olunub - QİYMƏTİ

Bu smartfon flaqman smartfonlar sırasına daxil olsa da şirkət onun bəzi özəlliklərini əvvəlki flaqma..


Samsung öz cihazlarının fərdi təmir proqramını istifadəyə verib

Samsung şirkəti elektron cihazların təmiri sahəsində fəaliyyət göstərən iFixit saytı ilə birlikdə Ga..

×