Snap AR eynəklər üçün ayrıca şirkət yaradır

    Technote.az “TechCrunch” platformasına istinadən bildirir ki, Snap Inc. AR eynəkləri olan Specs layihəsinə ciddi yanaşdığını ortaya qoyub. Belə ki, şirkət ilin sonuna doğru Specs-in yeni istehlakçı versiyasını təqdim etməyə hazırlaşarkən, bu məhsul üçün ayrıca Specs Inc. adlı yeni törəmə şirkət yaradıb. Snap-ın açıqlamasına görə, yeni qurum eynəklərin inkişafına daha fokuslanmış idarəetmə və texniki uyğunluq təmin etmək məqsədi daşıyır. Bu addım Snap-ın AR eynəkləri bazarında Meta və Apple kimi texnologiya nəhəngləri ilə rəqabətə real şəkildə hazırlaşdığını göstərir.

    Qeyd edək ki, Snap bu texnologiya üzərində artıq 10 ildən çoxdur işləyir. Specs-in son istehlakçı modeli 2018-ci ildə satışa çıxarılmışdı. 2024-cü ildən etibarən isə beşinci nəsil Specs yalnız tərtibatçılar üçün təqdim olunub ki, bu da proqram ekosisteminin formalaşdırılmasına imkan yaradıb. Hazırkı Specs modeli dörd kamera ilə təchiz olunub. Bu kameralar əl hərəkətlərinin tanınmasını və Snap-ın Spatial Engine adlanan proqram təminatı vasitəsilə AR təsvirlərinin real mühitə yerləşdirilməsini təmin edir. Eynəklər ayrıca Snap OS əməliyyat sistemi ilə işləyir. Bununla belə, ilkin testlər zamanı eynəklərin nisbətən ağır olduğu və uzun istifadədə qızdığı müşahidə edilib. Snap bildirir ki, satışa çıxacaq versiyada dizayn və texniki dəyişikliklər ediləcək.

    Şirkət hələlik Specs-in dəqiq satış tarixini açıqlamayıb.