Snapdragon X Elite prosessoruna sahib yeni Lenovo noutbuku Geekbench testlərindən keçib

     Qualcomm şirkəti noutbuklar üçün nəzərdə tutulmuş Snapdragon X Elite adlı desktop prosessorunu keçən ilin oktyabr ayında Sapdragon 8 Gen 3 ilə birlikdə təqdim etmişdi. Lakin şirkətin bu yeni desktop prosessoruna sahib heç bir noutbuk hələ təqdim edilməyib. Qeyd etmək lazımdır ki, Snapdragon X Elite prosessorunun tərkibində Qualcomm-un Oryon adlı fərdi nüvələri mövcuddur. Məlum olub ki, Lenovo-nun hələ təqdim edilməmiş noutbuku bu prosessor vasitəsilə çalışacaq. Belə ki, sözügedən noutbuk Geekbench 6.2 testlərindən keçib. Şirkətin Lenovo 83ED kod adlı noutbuku Geekbench 6.2-nin bir nüvəli testi çərçivəsində 1628 xal, çox nüvəli testi çərçivəsində isə 11 392 xal toplayıb.

     Bu test nəticələri isə Qualcomm-un Snapdragon X Elite ilə bağlı daha öncə təqdim etmiş olduğu test nəticələrindən daha aşağıdır. Belə ki, daha öncəki test nəticələrinə əsasən Snapdragon X Elite 27 vatt enerji sərfiyyatı rejimində çalışması zamanı bir nüvəli test çərçivəsində 2777 xal, çox nüvəli test çərçivəsində isə 14 056 xal toplayıb. Prosessorun 80 vatt enerji sərfiyyatı rejimində çalışması zamanı isə bir nüvəli test çərçivəsində əldə etmiş olduğu xal 2966, çox nüvəli test çərçivəsində əldə etmiş olduğu xal isə 15 239 olub. Lenovo 83ED tərkibində test edilmiş Snapdragon X Elite prosessorunun bu qədər aşağı performansa sahib olmasının səbəbi çox güman ki, prosessorun sadəcə nümunə versiya olmasında və onun optimizasiyaya ehtiyac duymasındadır.

Bənzər xəbərlər

Cihazlar+

Lenovo Tab P12 planşetinin yenilənmiş versiyasını hazırlayır

Lenovo şirkəti keçən il Tab P12 adlı planşetini təqdim etmişdi. İndi isə şirkət onun yeni versiyasını hazırlayır.

Elm & Texnologiya

Snapdragon 8 Gen 4 flaqman prosessorunun hazırlanma mərhələsi gələn ay yekunlaşacaq

Dünən Qualcomm şirkətinin icraçı direktoru rəsmi şəkildə təsdiqlədi ki, Snapdragon Summit 2024 tədbiri bu ilin oktyabr ayında baş tutacaq.

Elm & Texnologiya

Qualcomm Snapdragon 8 Gen 4 flaqman prosessorunun nə zaman təqdim olunacağı məlum olub

Qualcomm şirkəti hal-hazırda aktual olan Snapdragon 8 Gen 3 flaqman prosessorunu keçən ilin oktyabr ayında təqdim etmişdi.

Elm & Texnologiya

Snapdragon 7+ Gen 3 prosessorunun texniki özəllikləri barəsində məlumat verilib

Qualcomm şirkəti Snapdragon 7+ Gen 3 adlı yeni orta səviyyəli prosessorunu təqdim etməyə hazırlaşır.

Elm & Texnologiya

Snapdragon X80 5G modemi təqdim edilib

Qualcomm şirkəti smartfonlar, avtomobillər və s. cihazlar üçün nəzərdə tutulmuş yeni 5G modemini təqdim edib.