Son iPod Shuffle ilə iPod Nano və iPhone 6 köhnəlmiş cihazlar siyahısına daxil edilib

     Apple şirkəti son iPod Shuffle və iPod Nano cihazlarını bütün dünya üzrə köhnəlmiş cihazlar siyahısına daxil etdi. Qeyd etmək lazımdır ki, Apple şirkətinin bu siyahısına 7 ildən çox müddət ərzində satışda olmayan cihazlar daxil edilir. Siyahıya daxil edilən cihazları daha Apple servis mərkəzlərində təmir etdirmək mümkün deyil. Belə ki, onların ehtiyat hissələri də artıq istehsal edilmir. Şirkət bu cihazlarla yanaşı köhnəlmiş cihazlar siyahısına həmçinin iPhone 6-nı da daxil edib. Qeyd etmək lazımdır ki, iPhone 6 Plus modeli hələ aprel ayında köhnəlmiş cihazlar siyahısına daxil edilmişdi.