Sony-dən diqqətçəkən PS6 mesajı

    Sony növbəti nəsil PlayStation konsolu ilə bağlı rəsmi açıqlamalarında gələcək planlarına dair diqqətçəkən mesajlar verib. Şirkət birbaşa PlayStation 6 haqqında danışmasa da, rəhbərliyin investorlarla keçirilən görüşdə səsləndirdiyi fikirlər yeni konsolun portativ formatında təqdim oluna biləcəyinə dair iddiaları gücləndirib. Sony Interactive Entertainment-in rəhbəri Hideaki Nişinonun sözlərinə görə, şirkət yeni platformanı hazırlayarkən oyunçuların dəyişən vərdişlərini nəzərə almağı və PlayStation ekosistemini daha geniş auditoriya üçün əlçatan etməyi hədəfləyir.

    Sony investorların suallarını cavablandırarkən dəfələrlə vurğulayıb ki, PlayStation artıq yalnız televizor qarşısında istifadə olunan oyun platforması kimi qəbul edilməməlidir. Şirkət xüsusilə PlayStation Portal cihazını nümunə göstərərək bildirib ki, məqsəd istifadəçilərə qonaq otağından kənarda da rahat oyun təcrübəsi təqdim etməkdir. Sony-nin fikrincə, gələcək PlayStation ekosistemi müxtəlif oyun ssenarilərinə uyğunlaşmalıdır. Bu açıqlamalar uzun müddətdir gündəmdə olan portativ PlayStation konsolu ilə bağlı şayiələri daha da gücləndirib.