Sony-nin hələ təqdim edilməmiş Xperia 5 V adlı yeni flaqman smartfonu Geekbench testlərindən keçib

    Geekbench bençmark saytının məlumatlar bazasında XQ-DQ72 kod adına sahib cihaz ortaya çıxıb. Söhbət, Sony Xperia 5 V flaqman smartfonundan gedir. Geekbench öz növbəsində sözügedən smartfonun performans göstəricilərindən əlavə olaraq onun bəzi texniki özəlliklərini də ortaya çıxardıb. İlk öncə onu qeyd etmək lazımdır ki, Sony Xperia 5 V Geekbench-in bir nüvəli testi çərçivəsində 1439 xal, çox nüvəli testi çərçivəsində isə 5071 xal toplayıb. Geekbench məlumatlarına əsasən Sony-nin yeni flaqman smartfonu 16 GB RAM ilə təchiz olunacaq. Qeyd etmək lazımdır ki, şirkətin  daha əvvəlki flaqman smartfonları maksimum 8/12 GB RAM ilə təchiz olunurdular. Əlavə olaraq Xperia 5 V smartfonu Snapdragon 8 Gen 2 prosessoru vasitəsilə çalışacaq. Yeni flaqman smartfonun gələn həftə Barselonada start götürəcək MWC 2023 sərgisində təqdim ediləcəyi gözlənilir.